أنا ثلث لوحات ف معرض الحياة
ما أرسمها بيكاسو
ما خطّطها بانسو
ما جات ف بال سلفادور دالي
ما حرزها ف مدرسة سوريالي
أنا بسيط…
بسيط رجل على گد خیالي
اللوحة اللولة : ما(ء)
بلا كادر
بلا مناظر
ضوي ب الحكمة
راني ثمة…
ما(ء)
و….
ضو(ء) مرهون ب بوطون
On
ف يكون
اللوحة الثانية : طين
كمشة مادة يدها ل الحنًة
حايرة ف اللون
عزبة
ف يد الله
تستلغى كن باش تكون
اللوحة الثالتة : باب
مترّع على گد هاد الكون
جوج الوجاه
واقف حسكة
وجه براني
عاطي ظهرو ل الدقّان
وجه دخلاني
غارق ف شكون
شكون؟
…
شكون زاد هاد اللوحة ف رواقي ؟؟
هادي ماشي ديالي
يمكن هادي ما تكون غ فعايل شي Banksy*
*الرسام الغامض
