بلا وتبلينا بيه
ركبنا الخوف ومشينا فيه
تغطات الضحكة بكمامة
والسلام بقياس السلامة
لا لمة بين الخوت
لا حلاوة فـ القوت
مشات الشمس بنورها
ورابت لقصور بسورها
الگمرة ماعادت تضوي
الطير الغراد يزوي
وبنادم بدمعة لفراق
وحر لوبا يحماق
ظلام النهار الصباحي
وتسدت بواب وضواحي
وساحت العلة سيالة
تجرف خيام و نوالة
صهد الجدمة جثم
وبنادم فالخفا يتردم
الجدمة
الكاتب : ابراهيم بوحقية
بتاريخ : 05/09/2020
اترك تعليقاً