حاشا واش تكوني صفيحة ف حوافر بهيمة
ولا حديدة طحتي ف يد لحام ردك مطلوقة
ولا خميسة تحمي صاحبها من عين منحوسة

عارف باللي منغصة عليك العيشة ديك الحجرة المسلوبـة
خلاتك حــــزينـــة وحـــيرانــــــة تخمي… آش هاد لحكاية
شبر يفصلك عن شــط النـــهايـــة وما لقيتي لقصتك إجابة

عافاك آلالة لا تقــلقي عليـــنا
اعتبري ديك الحجرة خالة الزين
وكلنا نتمناو رجـــوعـــها فالحين
عافاك آمولاتي لا تقلقي علينا
ردي علـــينا اللـــومــــة
راحنــــا ولاد اليــوم (ة)
وقريب ترجعي للحومـة
عافاك آلالة لا تقلــقي عليـــنا
يـزرطـــي زرق العــيــن
وتولي فمقام « هينان تين «

لا تلومي إلا هربو عليك السبوعة

لا تغضبي و « كيمادو « فج عميق وصورة خلابــــة
لا تنهدي و» كلايريس « حاضيه السبع وقواسو قزحية
لا تقلقي و» السواني « غـــابة كثيــفة ورمالو قرفيـــة

لا تلومي إلا هربو عليك السبوعة
قريــــب تولي تـــاج فوق راس الحسيـــمة
يـــحلالـــــي شبـــار آتـــــاي وسردينـــيتة

وبالليـــل واخا بحرك صينية
نستمـــــتع مــرة مــرة بنغمـــة المـــــوجة ونهيم بالفكرية
تهــــدن سقـــــامي وتصـــــبــح مــــرويـــة
تصــــفا روحــــي وذاتي تعــــود نــــقيـــة
نســـرح وصـــالي ونغير جـــلدي كالــحية
نفــــرح بمـــقامــي بالناس والعشرة الزينة

أنت تـــاج فوق راس الحسيـــمة
من زارك يبقى مشطون
يزرب ليك جايب الكيطون
يشهد ليك بالسر المكنون
أنت صفيحة زوينة من كتاب بلادي العظيمة