ملاحظات حول سياق النص:
أولا: العيطة كما وصفها المرحوم بوحميد هي غناء تراثي واكب مجموعة من التطورات السياسية والإجتاعية التي عرفها المغرب .انطلقت مع مخالطة اللسان العربي الوافد من الشرق مع السكان الأصليين.وتعتبر العيطة غناء مركبا ومُهيكلا على شكل أجزاء من مقدمة
ومتن وخاتمة. وقد اتفق مختلف الباحثين في الميدان على وجود عدة أنماط رئيسية للعيطة
نذكر منها:
*العيطة الحصباوية نسبة لمنطقة الحصبة بأعالي عبدة.
*العيطة المرساوية بأحواز الدار البيضاء نسبة للمرس أو المرسى.
*العيطة الحوزية بأحواز مراكش والرحامنة وأجزاء من السراغنة.
*العيطة الملالية بدير بني ملال الفسيح إلى قدم الجبال الأطلس المتوسط والنواحي.
*العيطة الزعرية نسبة لمناطق زعير والمعروفة بحباتها ذات التركيب الثنائي المتناسق.
*العيطة الغرباوية بسهول الغرب والتي ترتكز على ما يعرف بالهيت الغرباوي.
* العيطة الجبلية بشمال المغرب والتي كانت تسمى خطأ بالطقطوقة الجبلية.
*العيطة الشيظمية بمنطقة الشياظمة و التي تتميز بالبروال الشيظمي.
*والعيطة الفيلالية والمعروفة بالبلدي.
وأخيرا وفي إطار التنوع الثقافي ببلادنا انضاف النمط الحساني بالجنوب المغربي.
مع وجود تركيبات غنائية محلية مشتقة من الأنماط الرئيسية الكبرى بمختلف حواضر المغرب وبواديه.
ثانيا: للعيطة الحصباوية ككل جدور وامتدادات تاريخية مرتبطة بمنطقة الحصبة بأعالي عبدة والمسماة باسم إحدى ضيعات القائد الوزير عيسى بن عمر العبدي التمري والقريبة من
قصبته المعروفة. ولولا وجود هذا القائد وأبنائه وحاشيته القريبة من شيوخ وأعيان وبعض العائلات المخزنية والفلاحية الممتدة عبر ربوع تراب قيادته وكرمهم وجُودهم وولعهم بهذا الثرات الأصيل لما انتشر هذا النمط الفني البدائي والعفوي من الغناء. وذلك لتمجيده لما كان يحيط بقصبة القائد خلال نهاية القرن التاسع عشر وبداية القرن العشرين من مظاهر “الصيدة” و”السلاك” و”السروت” والتبوريدة والمواسم الدينية ومواسم الحصاد والرياضات ومحاربة ظاهرة السيبةفي مختلف أرجاء قيادته. وذلك قبل أن تظهر قيم فنية هجينة لا علاقة لها بالثقافة الشعبية الأصيلة المؤسسة على الخيال والإرتجال اللحظي والعفوية البسيطة المعبرة عن الوجدان الجماعي للطبقات الشعبية. وهو ما فطن له ضباط الشؤون الأهلية زمن الحماية الفرنسية فعملوا بشتى الطرق على تكسير شوكة هذا الموروث الثقافي المتمثل في العيطة الشعبيةبمختلف تلاوينها وإدخاله للمواخير مع ظهور كباريهات الاسترزاق ببعض المدن الكولونيالية.حيث تم إفراغها من مظاهر الحشمة والوقار ومن مدلولها الخيالي ومحتواها التلقائي وكذلك رسائلها المبطنة. وبالتالي بروز أكبر عملية تحريف لكلماتها الأصلية ومعانيها الوجدانية الصرفة فمثلا كانت إحدى حبّات العيطة الحصباوية تقول”بايتة نمشي ونجي والبوج(يعني القنديل) عند راسي” فأصبحت منتشرة:”بايتة نمشي ونجي والروج (يعني الخمر) عند راسي” والأمثلة كثيرة عن هذا التحريف الممنهج.سواء بقصد أو عن غير قصد.
ثالثا: إن تركيزنا بداية على عيطة “خربوشة” سببه ماتعرضت له هاته العيطة المحبوبة من عملية سطو وتحريف لكلماتها و لعنوانها الراسخ في وجدان الناس بدلالاته وإيحاءاته الرمزية المفضية لعلامات مُواكِبة لكيمياء الجسد-الصورة- التي مزقها القهر والقمع والإبعاد والنفي من الديار والتربة التي سكنت الجسد والروح وسكنها في تماثل وجداني وإحساس باستعارات متعددة. هي تعبير عن واقع جماعي يستبيح نوعا من تجاوز المحرمات في التعبير عما يخالج الذات.
رابعا: إن عدم تداول وانتقال العيطة الحصباوية ككل ومنها عيطة “خربوشة” موضوعنا. من الرواية الشفوية المبنية على الحفظ إلى الرواية المبنية على التدوين جعلها تعرف تآكلا وتناقصا وكذلك تضاربا وتداخلا في كلماتها وحبّاتها إلا من بعض الشذرات المتفرقة هو سعي البعض ولأغراض خبزية وتجارية إلى تطويع أجزاء منها ذات الكلمات العفوية والفطرية البسيطة والمرتجلة لتتوافق مع أهداف واستنتاجات مسبقة لخدمة طرح أو قضية ما حول وقائع تاريخية مشكوك في صحتها ووقوعها ويصنف بعضها من باب تأريخ المنتصر.
ثم أن طبيعة تسجيل بعض العيوط خلال القرن الماضي على أشرطة من فئة 45 لفة لا يمكنها استيعاب جميع مقاطع العيوط الحصباوية الطويلة مما جعلها تصل ناقصة غير مكتملة.
هذا إضافة إلى غياب شروط العرض اللازمة مؤخرا وذلك راجع لتناقص الناس المولوعين وكذلك الحيز الزمني الكافي لإتمام هاته العيوط ونشرها بين الجمهور على حقيقتها الأصلية
دون نقصان وهو ما ساهمت فيه كذلك الإذاعات والقنوات التلفزية الرسمية التي تشترط
التلخيص كما أسر لي أحد الشيوخ لما عاتبته ذات يوم عن سبب تقزيم العيوط الحصباوية.
وهنا لابد من الإشارة وبخلاف بعض الإدعاءات الغير مبنية على أسس منطقية بأنه لا توجد عيوط
ميتة بمعنى الكلمة بل فقط هناك عيوط قليلة التداول لعدة أسباب إما لكونها صعبة ومركبة مثل عيطة”الراضوني” أو لكون بعض الرواة الحقيقيين والموثوقين والذين عايشوا فترات الانتقال
الحقيقي للعيطة الشعبية من مرحلة الحماية إلى بداية الإستقلال قد غادروا إلى دار البقاء دون نقل مخزونهم التراثي إلى ممارسين لاحقين بشكل يتيح استمراريته .باستثناء قلة قليلة ونذكر منهم شيخ الشيوخ سيدي أحمد بن خدوج الزكراوي.
خامسا: تتميز عيطة “خربوشة” في مقاطعها الأربعة المتداولة بغياب وحدة الموضوع وتراتبيته لكونها شأنها في ذلك شأن جل العيوط الحصباوية لم تؤلف في زمن واحد بل كانت ككرة الثلج تكبر وتتدحرج من دوار لدوار ومن قبيلة لأخرى ومن موسم لآخر وفق سياقات زمنية ومعرفية مختلفة. وبالتالي كان مضمونها الشعري وتأليفها جماعيا.كما يطغى على كلماتها نوع من البكائيات والنذب والشكوى لله والتوسل لأولياء الله الصالحين القريبين من المجال الجغرافي من غدر الزمان ولوعة الحرمان والفراق الإضطراري وهي مليئة بالإشارات والرموز القابلة للتأويل ارتباطا ببعض الأحداث وبظروف المنطقة نهاية القرن التاسع عشر وبداية القرن العشرين. الشيء الذي جعل ترتيب حبّات عيطة”خربوشة” يمكن إخضاعه لمنطق التشجير والذي غالبا ما يتعامل مع أي نص على أساس أنه يشكل حقلا معرفيا ودلاليا يستمد قوّته وترابطه المحكم من خلال ما تبرزه المعاني الدلالية والإحالات الدالة على شكل تراتبية ذات تسلسل منطقي يساير المقاطع اللحنية والحطّات المتعارف عليها لدى مختلف الرواة.
سادسا: من خلال استقرائنا للعديد من الروايات الناقلة لعيطة “خربوشة” وبقية العيوط الحصباوية نخلص إلى كون مجملهما تنطبق عليها النظرية الفلسفية القائلة بأن عُميانا انطلقوا لوصف جمل واقف فكل من تلمس جزءا من الجمل وصف ما لمسته حقيقة يداه لكنهم جميعا لم يصفوا حقيقة الجمل كاملة. فكل الروايات حملت لنا أجزاءا من المقاطع الأربعة لعيطة “خربوشة”مع المحافظة على التدرج اللحني والجمل الموسيقية مع اختلاف الروايات بين تلك المعزوفة على آلة الوتار وآلة الكمان وكذلك الإيقاع. لكنها لم تكن مكتملة الكلمات والحبات وغير متراصة نظميا مما جعل ترتيبها أثناء التدوين صعب للغاية ويختلف اختلافا كثيرا في ما بين الرواة أنفسهم. وذلك راجع لما سبق ذكره من متبطات وصول النص كاملا إلى حاضرنا. هذا إضافة إلى كون أغلب رواة عيطة “خربوشة” لم يكونوا على قدر من التعليم مما دفعنا إلى اعتماد نظرية تكرار التداول بين الرواة سواء على مستوى الترتيب والصياغة أو النطق باللغة الدارجة المعتمدة في المجال الجغرافي لنطاق انتشارها.
وإذا كانت عيطة”بين الجمعة والثلات” هي أم العيوط.وعيطة “الراضوني” هي أصعبها
فإن عيطة”خربوشة” تعتبر أم خواتم العيوط الحصباوية أو”السوسات” أو”الطمات” بلغة “الحرايفية” وهي الأصل ومنها استعار الشيوخ خاتمة العديد منها وعلى الخصوص عيطة”رجانا في العالي” والتي تعرف أيضا ب:”الحصبة”.
سابعا: لم نستثن أية رواية ممّن تمكنا من الحصول عليها لعيطة “خربوشة”سواء للقدامى أو المعاصرين حيث بلغ عدد الروايات التي اعتمدنا عليها ما يناهز خمسة وثلاثون رواية سمعية وبصرية وشفاهية.
ثامنا: رغم ما بذلناه من مجهودات لتدوين هاته العيطة المحبوبة من طرف الجميع وتحقيقها ووضعها بهذا الشكل بين يدي المهتمين والقراء على السواء فإننا نعتبر ذلك مجرد رواية في حد ذاتها قابلة للنقاش والإضافة والتنقيح المنطقي المبني على أساس معرفي صرف خدمة للبحث العلمي في مجال توطين وتدوين العيطة الحصباوية بعيدا عن الإرتجال والتسرع والتبني الغير مُؤَسَّس على ميكانيزمات البحث والتقصي الرصينين على أمل أن تسعفنا الظروف لجمع وتحقيق بقية العيوط الحصباوية المتداولة.
عيطة”خربوشة”

المقدمة:
خَرْبُوشَة..اَلْحَمْرَا..زَرْوَالَة..الَكْرَيْدَة..
وَيا بَنْتي..ويا بنتي مَنْ صَبَّرْني..
مْوَالْفَاك يَاقَايْدي..
وَسْرُوت عَبْدة سَارُوا اليوم.
ومْنِين أنا ومنين أنت أَهْيَاوِين..
رَاه الَغْدَر عَيْب. والخَطْوَات كْتَابو..
ومُول الدَّعْوة كَيْدعِي مْعاك.
وانت بُوها..وانت خُوها..أهياوين..
والخيل عَرْفُونا. ولَا هْمَزت ندَرْكو..
وسيدي صْبَاحك سيدي مْسَاك.
والزِّين عْدُو والكَاس حْلُو..أهياوين..
جَايني بصْحَابو..الشَّهْبَات خْوَاتَات..
وَا بُوشعيب راه الَغدر عَيب.
والزمان يلُوح..والَفْراق صعيب..أهياوين..
وصبّر عقلك حتى ترُوح غزالك..
ومّيمتي مَكْواني..وما يدُوم حَال ياسيدي.
وانت اَلْعَلَّام..ولاباس ولاباس..
والكافرة غْدَرتي..والخيل تْشِيطْ يَابَابَا..
والفراق صعيب..والزْوَاق يْطِير..أهيا وين..
وحَاجْتي في السَّاقي. والسَّاقي كُبْ الْكَاس…
ومايكُون بَاس ياسيدي..
كُلْها في حَالُو..ومْوَالفة بنْعَاسُو..
ولَا مْشِيت نْوَلِّي..مَاكلْت عَيْب يَاسِيدي..
وشطنتونا..أهيا وين.. أهياوين ..

الجزء الأول: ( أو ما يعرف بالفَرّادِي)
ومْنِين وفِينْ.. أَهْياوين..أهياوين..
وابليتُونا..رَاه الزمَان يلُوح..
وَا عبدة جيبُو الزِّين على رَبّي..
وسْرُوت الحَصْبة..سَارُوا عْلِيك يَاقَايْدي..
ولله..لله..يا لله نَتْفَكْرُوا الحْبَاب..
وَا شَدّوك عْلِي..واهيا..واهيا.. وعَادا الخيل..
وجيبو الزّين يَاسيدي..
وسِيدي يَاسِيدي حَبْسُوا الَهْوَى مَازال..
ومَازال..ومَازال..ومازال الحَق يْبَان..
واهياوين اهيا وين..راه الليلة نبَاتو زَاهْيين..
وزين القُبّة..زين الَفْرَاش..خْليلِي يَا لَمْزَهّيني..
ولاباس ولاباس..الحُب والَهْوى مْعَذَّب شِ نَاس..
ولَابَاسْ ولاباس..هَاكْ الدَّق بْلَا قُرْطاس..
وهَز لْوِيزك ..صَرْفُو نحَاس..
وراه بنادم الغَدّار مَا يَسْواش..
وهز لويزك صرفو حديد.. وراه فَرَج الله قْريب..
وبابا يابابا.. من زينو حَايك لابسُو الخليفة..
الخليفة تَاعْ الحصبة..
ومَن زِينُو حَايَك لَابْسُو مَحْبوبي ..
ومَحبوبي طْويل الغَيبة..
ومن زبنُو عَوْد مْسَرْجُو خْلِيلِي ..خليلي اللِّي مْزَهّينِي..
وعْلَاش الَغْذَر علاش..
وتْعَالي تعالي اَلْعَوْد اللِّي شْرِيت عْليك نْبِيعُو..
واهيا.. واهيا..اَلْعَدَاك..العداك ..ياوَعْدي الله..
وا امحمد خُويا راه العسكر شَكّ الويدَان..
وامحمد خويا أش في جُوج ما يَتْفَرقو..
هاذ الفراق جَابُو ربي..
وبابا يا بابا راه اللِيَّام تَدّي وتْجِيب..
ومايْدُوم حَال يَاقَايْدي..
وزين الصّيدة ..زين السْلاك..عيسى يا بن عمر..
زين القُبّة زين الفراش..وا خليلي اللّي مْزَهّيني..
وبابا دار السِّي عِيسَى كَالُو زْهَات..رَاهَا مْقَابلة الَمْعَاشات..
والَخْزانة كَالو رْشَات..راه الْمَخْزن يجَدّدها..
والَمْحَلة كَالو زهات..البَاشَا يا بن دحّان..
وزِين العَلْفَة..زِين السروت..الباشا يا بن دحّان..
وبابا ادريس فِين مَا قَاس الحُب يعذّبْ..
وماذا كالُو وماذا دْوَاوْ..وماذا عَسُّو في اللّيل..
وماذا كالو وماذا دواو ..وماذا قوّاو في عْجُوبي..
واهيا وين ..أهياوين..اللِّيلَة نْبَاتو زَاهيين..
والَمْعاشي سيدي سْعيد..مُول الزيتونات..
الرتناني سيدي احساين..جَا في مَلْقَى الويدان..
والرتناني سيدي احْسَاين..سْيَادي رَكْراكة مَجْمُوعين..
الغليمي سيدي أحمد..اَلْعَطْفة يابن عباد..
وبابا مُول الَعْلامات زِين السْلامات..مولاي عبد الله بن حساين..
والتجاني سيدي أحمد..مُول اَلْوَظِيفة..
والقدميري سيدي اعمر..مُولَا حَمْرية..
وبابا يا بابا على هَادوك النّخْلات الَمْجَردات..تمّة سْيَادي الَمْعاشات..
وعلى هَادُوك اَلْقُبَّات الَمْجَيْرين..تَمّة سْيَادي الغليميين..
ولَالّة لالّة قاطْعَة الواد بالرّيحية..لهَاديك لالة عايشة البحْرية..
ومّيمْتي راه حَمْرِية وقاطعة الوَاد..زيارة لبُوشعيب الرَدّاد..
ولالة.. على بُو محمد صالح..مايْدُوز خُدّامو.. راه الكَرْمة كُدّامو..
و عْطَيْتَك العَهد في سيدي بِّيهْ.. أخويا راه الظالم يَحْكَم فيه..
وعطيتك العهد في سيدي بوالذهب.. راه الأمواج كتكلّب..
وتْعَالِي لِيهْ.. تعالي ليه..خَلّي العَالي يْكَافيه بِاللّي فِيه..
ويَا نِيحَة.. يا نيحة.. عْلَى الجُولة والتْلَاوِيحَة..
وخرجت بْلادي سَبّة عليك..وراه نَمْشي ونولّي ليك..
وخرجت بلادي خرجت الَحْكَام..ورَاني نعدّي في الليّام..
وخرجت بلادي كَلْت اعْجُوبة ..وراه الجُولَة مَكتوبة..
ولالة لالة الَعْيُون صْرَادى..والَخْدُود وْرَادَى..
أشْ في الزّين مَا يَتْعَادي..وعْلاش الخَوْف علاش..
وبابا عَيّتِيني بالَغْذر اليُوم ..راه كذُوبَك عَيَّاني.
ويا لَطيف..أهيا لَطيف.. العَين كَحْلة..والحَاجَب خْفِيف..
ويا لطيف..أهيا لطيف..المحبة مَاشِي بالسيف..
ويا لطيف..أهيا لطيف..مَن رْفَاكة بْنَادم الَخْفِيف..
ولا تَبْليني أشْنُو كان سْبَابي..
راه قْوَات الحُب والزْلَالَة سَابَت..
واهياوين أهيا وين..راه اللِّي كْتَاب دَوَّزْنَاه..
وبابا يابابا رَانِي مْقَابْلة الطْريق ونْرَاجِي..
هذا جَاي ..وهذا غَادي..
وا مِّمْتي رَاني نَطْلَع للسْطَاح..
ونْهَوّد للَمْراح..رَاه الْحَال مَابْغَى يَصْبَح..
وبابا بابا راه الفُلْك يْدُور والسْوَايع بَدّالة..
وعيّتيني ومَحَّنْتيني..راه اَلْغَشْوات فِي قِبَال..
والعالي مابْكَات العَين..حتّى كانت الَكْبِيدَة مَجْروحة..
واش كاين شِ طبيب..عْلَى الله يدَاوي الَقْليب..
وامّيمْتِي رَانِي سَوَّلْت الطْبِيب وسَوَّلت اصْحَابو..
راه دْوِايَ مَا صَابُو..
وراني نَبْكي مَا نَصْبر ونضحَك مَا نَجْبَر..
والعَالي بَعْد ما نَنْسَاه..راني نْصِيبُو في بَالي..
ذَبَّل عْيُونَك راه جَاوْني كْبَار..كِيف كْوِيسَات اَلْبَلَّار..
لالة يا لالة سَعْدات القَلْب الهَاني..
ما سْهَر اللِّيل مَا قَاسَى الَمْحَايَن بْحَالي..
وَا أخْتي رَاني قَيَّسْت خْوِيتْمُو جَا عْلَى يَدّي..
راه الكَاوِينِي عْبِيدي..
عَيّطت لأحمد جَاني محمد.. راه الكَيّة فِي وَاحد..
وبابا يا يابا راه شَبَّر فِيّ شِ ما دّاه..رَاه دّا الَعْقَيَّل مْعاه..
واختي صُبْري..دابا يْفَرَّج رَبِّي..
وحَاوْلِي حاولي عْلَى مَحْبوبي..محبوبي طْوِيل اَلْغَيْبَة..
وعْلاش الَفْراق عْلاش..
والعَالي رَانِي تْوَحَّشْتُو وبْغَيْت نَلْقَاه..رَاه الَعْدُو مَاخَلَّاه..
وكُولِي لِيه يْزِيد..إلَى مَا بْغى يزيد.. مابْقَى عْليّ تَقْلِيد..
وفِين اللَّامَة لَمّة الَحْبَاب..وَالعَالِي راه البَاقي مُولانا..
وجْري يا مُّو وجري ياختُو راه العزيز ادّيتو..
لالة لالة على وَلْد حْديدُو..فينْ مَا مْشَى الخيل تْجِيبو..
وَا بَنْ جَعْفَر عْلاشْ الْخَيل عْلِيك تْعَفَّر..
بَايْتَة نْسَال وظَالّة نسال..عْلَى وْلِيدات اَلْحَال..
وحْلَفت أنا مَانْدُوز حْبيبي..وَاش الَحْبيب يْدُوز حْبِيبُو..
وَاخْتِي اللِّي ما يَبْغيني كِيف مَا نَبْغيه..أَشْ لِيَ مَن مْحَبَّة فيه..
وراه من حَر اَلْكَبْدَة اللِّي كَال عْجَب.. يْطُول الزّْمَان ويْجَرَّب..
وبابا عْلَى عْوِينَة مَازِي..مْوَرّْدَة الخَيل و مْوَرّْدة الرَّجْلِيّة..
وعلى هَاديك الحَصْبة زِينَة السّْمِيَّة..راه العَيْطة تَمْرِية..
وَا حَيْدَة مِّي وحَيْدة اختِي راه الَفْرَاق يْبَكِّي..
وَاعْبُوش اَلْحَمْقَا واش الَبْكَا يْبَرَّد نَارُو..
واختِي السَّعدية ..راه اصْحَاب الْحَال مَافِيهُم طَمْعِيَّة..
وَابَنْتي.. وابنتي مَنْ صَبَّرْنِي عْلَى فْرَاق احْبَابِي..
وصَبَّر عَقلك حَتَّى تْرُوح غْزَالَك أَلَمْلَيْهِيطْ..
واهْيَاوين أهْيَاوين..راه اللِّي كْتَاب دَوَّزْنَاه..

الجزء الثاني:
وَا حرّك يا الزَّهْواني..
وَاضَحكِي عْلَاش فَكْعانة..
وَايْلي شَهْدو عْليه..
مَرَّة يْحُوز مَرَّة يعَنَّق ويبُوس..
وحُوز اَلَعْدُو حُوز حَتَّى يبَان الحَال..
والزَّاوية المَعْلُومة فْتِيح الشْرَاجَم يَاك أَذَاتِي..
لَالَة يا لالة حَفَظَك الله..
ولالة يا لالة عْلَى السْرَاتَة والخَيل يَاوين..
وتعَالَى تْبَات..تعالى تبات..يا مَشْموم الْهَايْجَات..
بَاش ادَّاوك وبَاش جَابُوك يَالَعْبِيدية اليُوم..
وهَادِي سَاعة مْبَاركة فَاش تْلَاقِينا..
شَلَّا هذا ما زْهَيْنا.. راه بْغَينا نَزْهَاو..
تَاعْ لالة..تاع لالة كَاع نَتْسَالو فيه..
دَابا نْجِيك..وَاخَا نَهْدي عُمْري عليك..
لَوَاه يا الزّين..رْجِيلات اَلْحَنَّة ظَاهْرين..
وجْدَب جْدَب يا اَلْبَرْكِي يَا عْرِيس الخَيل..
جْدَبْ كِيف مَا جَدْبُو هَادُوك الخَيل..
كَالُو لِيَّ خْلِيلَك جَاي خْرَجت بِرْوَيْسِي عَرْيَان..
كَالُو لي سِيدَك جاي..طَاح الضِّيم عْلِيَّ..
جِيبُو لِيَّ حَايْكُو..غِير نْشَمُّو ونْرُدُّو لِيه..
تْعالَى نَعْطيك عَهْد الله فِي بيت الله..
وتعالى نَعْطَيك سَاعتك ونْسالي مَنك..
وشايلاه أَمُول النْخَيلة سيدي بليوط..
شايلاه يا مُول الَعرَاصِي..يا بن سَاسي..
مُولا ثابُوت من العُود..أَسِيدي مَسْعود
النْبَالَة والَخْرَاص والسْوَالَف مَلْوِية..
الظَّفْرَة والشَّبْكَة والرِّيق حْلُو..
واهيا واهيا ..هذاك أهذاك.. ادّيها مْعاك.
ورَانِي مَقْصُودي في الله..واهيا واهيا..
وعَيْشَك أَبُوها نُوض زَوَّجْها راه الخَشَّة حْلَات..
ولالة يا لالة سَوْلُو الرَّامي على الَغْزَال..
ودِيرِي صَالَة فُوق صَالَة يا زَرْوَالة..
والخَيل أهياوين وتْعَالي تعالي..
يَحْسَن عْوَانَك يا رَاسِي..بَاغِي حَقِّي في السْرُوت..
وهَادْ المَكتُوب كَتْبو الله عْلِي..مَاعْمَلتُو بِيدِيَّ..
والَغْرام بْلِيْتُو بْلِيَّة..واهيا واهيا..عَادَاو يالخَيل..
وعَيْشَّك يَا فَرَاج لَا تْسَد عْلِيها بَابْ الرْيَاض..
والحَوْز اَلْحَوز مَا سْخَيْنَا بِفْرَاقُو..
والحَوْز الله يْعَمَّرْها دَار..
بْنَاتُو هَايْجَات..وْلَادُو زْينِينْ..
وَشَاوْرِي عْلِيَّ..عَادَا الَهْوَى..
يَحْسَن عْوَانَك يَا رَاسِي مَادَازُو عَلَّامَة الْيُوم..

الخاتمة :(الطَمَّة أو السُّوسَة)

والبَّيْضَة إِلَى تْسَلْحَت..
كِيف اَلْبَرْكِي..سَرْجُو مُولَاه ودَّاه لِلعَلْفَة يَتْعَنَّى بِيه..
وَايْلِي وايلي فَرّد وأَجِي..وَايلي وايلي بِالَهْوَى مَرْبُوطَة..
وَايْلي وايلي مَا بَانُوا عَلَّامَة اليُوم..
طَلْعُوا نَجْمَات الصْبَاح..سَرَّج عَوْدُو مَا ارْتَاح..
وخَلَّى وْحَيْدَة فِي الَمْرَاح..
مُول الأدْهَم كَاع نَسَّاهُم لِيَ..وحَاوْلِي عْلِيَ..
وَايْلي وايلي عَادَاوْ يَالخَيل..
والله يَرْحَم نَاس الَغْرَام..
وهَدَاك مَالُو دَاعِيك..ودَاعيك عْلَاش دَاعِيك.
رَاه دَاعِيك عْلَى بَنْتُو..وبَنْتُو هَاهِيَ عَنْدي..
خْسَرْت عْلِيها مَالِي..مَالِي وَاهْيَا مَالي..
ورْكَب عْلَى الأدْهَم..يَجْري كَاع مَا يَنْدَم..
وعَرَّق دَاك الطَّرْبُوش..بِالَخْزَامَى مَرْشُوش..
وتْحَرَّف ذَاك السَّكِّين..
وخَرْجُوا يَا الَحْمَادَات..رَجَّالة وعْيَالات..
بَيْضَات ومَوْشُومَات..شَهْبَات وزَرْوَالَات..
وعَضِّيني عَضِّيني فِي الشْوِيرَبْ اَلْفُوقَانِي..
ومَا التَّحْتَانِي عَذْبُوه الرّْهُوط..
وَايْلِي وَايْلِي اَلْعَادَاوْ يَالْخَيل..
الله يَرْحَم ناس الَغْرَام..
وحَادَّة ياحَادّة..هِيَ والنَّخْلة مْقَادَّة..
هَاذْ السَّالَف فِيهْ كَامَة.
مَرْشُوش بِالوَرْد والَخْزَامَى ..
وهَاذِي زَرِّيعْة النْبِي صَالَحْهَا مُولَانا..
وَاهْيا.. واهيا.. شَاوْرُوا عْلِيَ..
بِالَهْوَى مْرِيضَة.. ومَا بَانُو عَلَّامَة اليُوم..
وعَلِّي يَافْرِيَّكْ الَحْمَام..عَلِّي وزِيدْ فِي الأوْهَام..
وقْرَا لَوْحَيْدَة السّْلَام..سَبْع سْلَامَات فِي سْلام..
وهَذا رَمْضَان الصْيَام..وقَلَّة الايمَان فِي بْنَادَم..
والَحْرَامِي مَافِيه نِيَّة..
وَاهْيا واهيا.. حَاوْلي عْلِي..الْعَادَاوْ يَاالْخَيل..
مَادَازُو عَلَّامَة اليُوم..
وهَزْ عْوِينْتَك شُوفْ.. شُوفْ..
شُوف وْحَيْدَة فِينْ عَلَّات عْلِيَ.. خَاطْري مَاهِي لِيَ..
وَاشْ شَدُّوك يَا الغَدَّار عْلِيَ..يَا الزَّايَد مَا بِيَّ..
خَلَّف يَدِّيك عْلِيَ..رَاهْ الرَّبْطَة زُغْبِيَّة..
واخَيِّي الَغْرَام اللِّي جَابْنا..جَابْنا مَجْمُوعِين..
وَاهْيَا واهيا ..الْعَادَاوْا يَالخَيل..
شَامَة يَا شَامَة اليُوم..
وهَاكْ دْرَاعِي تْوَسْدُو..وتْكَايَسْ لَا تْهَرْسُو..
ولَا هَرَّسْتِيه.. رَاه الجَبَّار حْدَايَ كُلْشِي قْرِيبْ..
واهيا واهيا العَادَاوْا يالخيل..
إلَى مْشِيتي الله يْعَرْضَك خَيْر..
تعْقَلْ أَخُويَا عْلَى هَاذِيك اللِّيلَة..
مْفَرْشِين الزَّرْبية..ومْوَسْدِين الدَّرْعِيَة..
حَاطِّين الصِّينية..والطْرَابَش عَبْدِيَّة..
يَا سْيَادِي بْغَيْنَا وْجُوهْكُم ..مَا بْغَيْنَا طَمْعِيَة..
والْخَيْل أهْيَاوِين تْعَالي تْعَالي..
يَحْسَن عْوَانَك يَا رَاسِي..
راه خَلَّى وْحَيدة فِي الرْيَاض..
ومَّاحْ مَّاحْ يَا مَّاحْ..الرُّوح مْشَات فِي الَمْزَاح..
ودَار سِيدِي عَاليَة..فِيها خُوخَة ودَالْيَة..
فِيها الَحْمَام كَيْكَرْكَرْ تَاعْ مَّالِيهْ..
فِيهَا بَابُور نْحَاس يْكُبْ اَلْمَا بْلَا قْيَاس..
وَايْلِي وَايْلِي اَلْعَدَاوْ يَالْخَيْل..
بَاغِي حَقِّي في السْرُوت..
والْعَار أَسِيدي مبَارك.. دَبَّبْ حَمْلِي رَاه بَارَك..
وهَاد الَمْحَلَّة كَايْدَة .. رَاه خَانُونِي رَجْلِي..
غِير حَاوْلُو عْلِيَّ..وايْلِي..وايلي..الْعَدَاوْ يالخَيل
الله يَرْحَم نَاسْ الَغْرَام..
عطَيْنَاك اَلْمَال والرْجَال…
وعطيناك الزِّين والجَمَال..
خُرْجُوا يَا اَلْحَاجْبَات..
شَدُّوا بِخَاطَرْ سِيدْنَا مٌولَاي السُّلْطَان..
مْشَات اَلْخَيْل أَهْيَا وِين..
شَايْلَّاه أَسِيدِي الزْوِين…
وشْكُون الدايَّز فِي الَمْرَاح..
مُول البَرْكِي والسْلَاح..
مُولَاي اَلْحَسَن مَايْفَرَّطْشِي فِيَ..
وعَادَاوْا يَالخَيل..يَحْسَن عْوَانَك يَارَاسِي..
رَانِي طْلَبْتَك يا الْعَالِي تَعْفُو خْلَاصْ..