1 – ‬تخبّيت على الشعا
والسحابة تسبح في‮ ‬العالي
باش نبقى ظل
وما فاهم والي

2 – ‬ما عمري‮ ‬كانت لي‮ ‬سحابة
وكيف نكون ظل؟
الحلمة تبقى حلمة
«يقمعها» العقل

3 – ‬توحش البحر سحابة
كيكره الظل
دفنو‮ / ‬امحى خيالو
…
بغي‮ ‬يفيق في‮ ‬موجة
ترميه‮ – ‬تنجيه في‮ ‬الرمل

4 – سحابة بانوا فيها شلة حوريات،
وصوت نازل مع الشعا
قال لي‮: ‬شوف
هزيت عيني
لقيت راسي‮ ‬اعمي

5 – ‮ ‬عاد عرف الظل
‮- ‬آش عرف؟
عرف باللي‮ ‬بلا سحابة ما‮ ‬يكمل
– وانا مالي؟
– راك وليتِ ظل.

6 – ‬جمعت السحابة والظل،
قلت لهم‮: ‬اتكتبوا في‮ ‬قصيدة
شعل البرق والرعد
وما قريت والو‮.‬

7 – كان حتى كان
سحابة وظل
فين سافرت تابعها
ولرياح والضو حاكمين.
…
الظل‮ ‬غضب‮.. ‬اشعل
وامحى راسو.

8 – ‬سحابة فكت اصداف القميص
وخلات الماضي‮ ‬طرز‮.‬
يوسف نسى عينيه في‮ ‬السما
وما دازت‮ «‬كهربا‮»‬
واحنا ما سمعنا‮: ‬«هيتَ لك»

9 – ‮ ‬حطت سحابة كذبتها في‮ ‬القاعة جوكير
بغات تتنافس القصيدة
لكن الاصمعي‮ ‬قال لها:
هادي‮ ‬كذبة ساردة.

10 – ‬سحابة حروف من الضو
بغات تكون رماد مستور
تلحفت بالكلام
وفي‮ ‬نعالها ريح
تسناها الظل‮ – ‬يكون بها
…
عكزت وما فاقت وقت الفجر.
11 -‬‮ ‬السر في‮ ‬الشعا
زوّل حجاب سحابة
ونزل‮ – ‬يزول الظل